जीमेलचं नवं फिचर लाँन्च आता आपोआप डिलीट होणार मेल

'कॉन्फिडेन्शल मोड' असं या फिचरचं नाव

नवी दिल्ली : आता अनावश्यक मेलपासून आपली सुटका होणार आहे. यासाठी जीमेलनं एक नवीन फिचर आणलंय. या फिचरमुळं तुम्ही एखाद्याला पाठवत असलेला मेल ठराविक काळानंतर आपोआप डिलीट होणार आहेत. तसंच तुम्ही एखाद्या व्यक्तीला पाठवलेले खासगी मेल फॉरवर्ड किंवा कॉपी करता येणार नाहीत. 

'कॉन्फिडेन्शल मोड' असं या फिचरचं नाव आहे. ज्या व्यक्तीला तुम्ही मेल पाठवताय, त्यांच्या मेल बॉक्समध्ये तो मेल किती दिवस ठेवायचा आहे हे तुम्ही ठरवू शकता. मेल कम्पोझ ऑप्शनमध्ये गेल्यानंतर कॉन्फिडेन्शलचा पर्याय दिसेल. त्यावर क्लिक करून मेल कधी डिलीट करायचा याची तारीख सेट करायची आहे. तुम्ही सेट केलेल्या तारखेला त्या व्यक्तीच्या मेल बॉक्समधील मेल डिलीट होईल.

Comments