24 of April 2019, at 2.23 pm

थरूर मंदिरात तुला करताना पडले; डोक्याला ११ टाके

येस न्युज मराठी नेटवर्क : माजी केंद्रीय मंत्री आणि काँग्रेसचे खासदार शशी थरूर सोमवारी एका मंदिरात दर्शनासाठी गेले असताना पूजेच्या विधीदरम्यान तुला करताना पडले. यात ते जखमी झाले आहेत. त्यांच्या डोक्याला मार लागला असून, जखमेच्या ठिकाणी ११ टाके पडले आहेत.

शशी थरूर हे काँग्रेसतर्फे तिरुवअनंतपुरममधून लोकसभेची निवडणूक लढवत आहेत. सोमवारी ते प्रचाराला सुरुवात करण्याआधी एका मंदिरात गेले. पूजेच्या विधीदरम्यान त्यांची तुला करण्यात येत होती. त्याचवेळी अचानक ते पडले. या घटनेमुळं तिथं काही वेळ गोंधळ उडाला. त्यांना तातडीनं रुग्णालयात हलवण्यात आलं. त्यांच्या डोक्याला मार लागला असून, जखमेच्या ठिकाणी ११ टाके पडले आहेत. थरूर यांची प्रकृती स्थिर आहे. त्यांना विश्रांती घेण्याचा सल्ला डॉक्टरांनी दिला आहे. 

Comments